--Ads--
Inwaragawag ti Commission on Elections (Comelec) a 90% agingga 95% a nakasagana dagitoy iti 2026 Barangay and Sangguniang Kabataan Elections (BSKE) a naituding intun Nobiembre 02, 2026.
Sigun kenni Comelec chairperson George Garcia, kasapulan a maituloy ti BSKE tapno maikeddeng ti publiko no siasino ti kayatda nga agtugaw iti puesto.
Daytoy ket iti baet a sumagmamano a mammanday linteg ti mangisaksakad iti pannakaitantan manen ti BSKE.
Sigun kadagiti sumagmamano a mammanday linteg, maitantan ti eleksion ken maaramat ti saan pay a nagastos a pondo iti krisis ti enerhia.
Nupay kasta, impetteng ni Garcia a para kenkuana ket nasayaat a maituloy ti eleksion agsipudta rumbeng a regular ti pannakaisayangkat daytoy.
