Imbasura iti Commission on Elections (Comelec) ti reklamo seknan iti mapapati a P75 million a campaign donation kenni Senador Rodante Marcoleta kalpasan a nadakamat a saan a kriminal iti sidong iti agdama a linteg ti pannakapaay iti kandidato nga ideklara dagiti naawat a kontribusyon.
Sigun kenni Comelec Chair George Erwin Garcia, saan a nagdesision ti komision nu pudno a napasamak ti nasao a donasyon.
Inlawlawagna a kalpasan ti panagbalbaliw iti linteg idi tawen 1991, ti saan a panangireport iti kandidato iti campaign contributions ket nagbalin nga administratibo a panaglabsinglaeng ken adda ti katukad a pannusa.
Nupay kasta, kinuna ni Garcia nga agtaltalinaed a responsable iti kriminal a reklamo dagiti nangidonar a saan a nangideklara iti kontribusyonda.
Kiniddawna metlaeng iti Kongreso a repasuenna ti linteg tapno marisut ti saan a patas a pannakatrato dagiti kandidato ken donors.
Inlawlawag iti Comelec a saan a maapektaran iti desision daytoy ti nagsina a kaso kontra kenni Marcoleta iti Office of the Ombudsman ken Sandiganbayan.
Mabalin latta a sungbatan dagiti mapapati a nagdonar nu mapaneknekan a sinalungasingda dagiti pagannurotan maipapan iti panagireport iti kontribusion.
