Idiaya manen ti Commission on Elections (COMELEC) ti local voter registration inton Nobyembre iti agdama a tawen kas panagsagana para iti 2028 National ken Local Elections.
Sigun kenni COMELEC Chair George Erwin Garcia a puntiryada a mapangato ti bilang dagiti rehistrado a botante manipud iti dadduma a pagilian wenno overseas voters iti agingga 1 Milyon.
Innayon pay daytoy a mangrugi ti nasao a local registration iti maikadua a lawas ti Nobyembre 2026 ken agpaut agingga Hulyo 30 2027 tapno maikan ti umdas a panawen dagiti Pilipino nga agrehistro , umakar iti registration ken agreactivate.
Iti agdama, dumanon metten iti agarup 71 milyon dagiti registered voters sigun iti nasao nga ahensya ken manamnama ti kanayunan a 3 Milyon pay a botante para iti sumaruno nga aleksyon.
