Nagpalagip manen ti Commission on Elections-Baguio iti publiko a surutenda ti pagalagadan a liquor ban kas umadanin ti eleksyon.
Epektibo daytoy ita nga aldaw agingga inton bigat wenno ti aldaw ti panagbubutos.
Gapu iti dayta, nainget a maipawpawil ti panaggatang, panangilako, ken panag-inom iti arak bayat ti nasao nga aldaw.
Daytoy nga addang ket maimplementar tapno makatulong a mangipaasigurado iti linak ken kappia bayat ti election process.
Aw-awagan pay dagitoy dagiti citizens nga agbalin a naridam, narespeto ken fair iti electoral process.
Impalagipda pay a pilien a nalaing dagiti ibotos inton eleksyon.
Kabayatanna, nagpalagip metlaeng dagitoy kadagiti kandidato a nainget a maipawil ti panagkampanya dagitoy manipud idi kalman agingga nga agleppas ti eleksyon.
