--Ads--
Guyguyuguyen ti Commission on Elections (COMELEC) kadagiti kameng ti Philippine National Police (PNP) nga ingetanda ti panagbantay kadagiti gumatgatang iti botos.
Sigun kenni COMELEC chairman George Garcia, saanen a kasapulan ti warrant of arrest tapno matiliw dagiti gumatgatang iti botos gaputa ipalubos daytoy ti linteg.
Innayonna nga adda ti nainget a pammilin kadagiti polis kas deputized agents-da ken kasapulan ti nainget a pannakatiliw dagiti aggatang iti botos.
Kinunana nga uray dagiti aglaklako iti botos ket mabalin a matiliw ken maipasango iti innem a tawen a pannakaibalud.
Binalakadanna pay ti publiko a mangala iti ladawan ken video ti vote buying nga usarenda kas ebidensia.
