Nakasaganan ti Commission on Elections-Cordillera iti umadanin a 2025 Midterm National and Local Elections (MNLE) kalpasan ti naipatungpal a final testing ken sealing dagiti automated counting machine wenno ACM kadagiti pitopulo ket pito a munisipyo iti rehiyon Cordillera.
Sigun kenni Atty. Julius Torres, daytoy ti pinaka-crucial nga aktibidad para iti preparasyon dagitoy para iti mapadpadaanan nga aktibidad inton May 12.
Kinunana nga immuna a naipatungpal ti final testing ken sealing ti munisipyo ti Kabayan, tallo a munisipyo sadiay Apayao ken maysa sadiay Abra.
Kalpasan ti final testing ken sealing ket bantayan dagiti nakadeploy a kameng ti pulisya dagiti automated counting machine .
Kabayatanna, sumagmamano a karit kadagiti nagduduma a polling center ti nakapsot nga internet connectiom.
Nupay kasta, nakasagana a maaramat ti Starlink kadagiti napili a lugar.
Malaksid iti dayta, karit metlaeng iti Commission on Elections dagiti adayo a lugar a kasapulan a mapagpagna ken dagiti lugar a kasapulan nga agaramat iti Bangka.
