Naalarma ti Commission on Human Rights (CHR) gapu kadagiti nagsisinnaruno a shooting incidents a nakairamanan dagiti local officials idiay Abra kas umadanin ti 2025 elections.
Sigun iti nasao nga ahensya tallo a shooting incidents ti napasamak idi napalabas a bulan rason nga agbalbalin daytoy a karit para kadagiti umili a makipaset iti electoral process.
Innayonda pay dagitoy nga insidente ket mangitunda iti napeggad a seguridad ken kinatalged dagiti umili ken mangdadael pay daytoy iti peace and order iti nasao a probinsya.
Gapu iti daytoy, nainget a kinondinar ti Commission on Human Rights dagiti kinaranggas nga aramid bayat a kidkiddawenda ti dagus a panagtignay manipud kadagiti provincial authorities tapno masolbar dagitoy a kaso.
Nagballaag metlaeng dagitoy a no saan a masolbar dagiti gun violence ket mangdadael daytoy iti kultura ken impunity ti probinsya kasta metten iti justice system ken public institutions.
Kabayatanna, aw-awaganda met dagiti gobierno nga iyemplementar ti nasaysayaat a security measures para iti seguridad dagiti umili.
