BAGUIO CITY – Mangipatungpal iti Concert at the Park ti Baguio City Police Office Advisory Council sadiay Malcolm Square inton Sabado.
Segun kenni PSupt. Armando Gapuz, dadaulo ti nasao nga opisina, libre ti nasao a konsierto ngem adda ti maipatungpal a “passing of the hat.”
Kinunana a panggepda ti makaurnong iti pondo a maaramat para kadagiti ipatungpalda a proyekto kas iti medical and dental mission, ken legal counseling nga ipatungpalda iti Engineers Hill Barangay Gymnasium inton Nobyembre 25.
Innayunna a panggepda met laeng nga ital-o dagiti programa ti advisory council, a
agramanan ti CAC@ UR SERBIS: SERBISYONG PANG-MASA.
Kinunana pay a panggepda nga aramaten ti pondo a panggatang iti school supplies para kadagiti napili nga estudyante, ken water purifier para iti maysa nga unibersidad.
Dumanon iti pito a banda ti agperform iti nasao a konsierto pakairamanan ti banda ti BCPO.
