Naituding ita nga aldaw ti umuna a panangdengngeg wenno confirmation of charges hearing ti kaso ni sigud a President Rodrigo Duterte.
Sigun iti impablaak ti International Criminal Court, mangrugi daytoy iti alas-dyes agingga alas-tres ti malem iti Hague time wenno iti alas-singko agingga alas-dyes met iti Philippine Standard Time
Innem a Pilipino nga abogado ti mangirepresentar iti sigud a presidente. Dagitoy ket da Atty. Salvador Medialdea, Atty. Martin Delgra III, Atty. Silvestre Bello III, Atty. Alfredo Lim Jr., Atty. Caesar Dulay, ken Atty. Salvador Panelo.
Mangrugi ti hearing ita nga aldaw ken agleppas inton Pebrero 27. Kalpasan iti uppat nga aldaw a panagdengngeg, maipaayan ti 60 days ti International Criminal Court Pre-Trial Chamber tapno mangiruwar ti desisyon nu maiyuman ti kaso iti Trial Chamber.
Kabayatanna, saan nga inaprobaran ti International Criminal Court (ICC) ti personal a panangbisita kenni sigud a President Rodrigo Duterte kabayatan iti uppat nga aldaw a pre-trial “confirmation of charges” hearing.
Sigun iti pamilya ni sigud a President Duterte, babaen laeng iti telepono ti intulok ti International Communication Court a komunikasyonda iti sigud nga opisyal. //BomboKarenCalpoeSapirao
