Dumanonen iti 240 a kongresista ti simmuporta iti impeachment kenni Vice President Sara Duterte kalpasan a nanayunan iti 25 a mammanday-linteg ti nagpirma iti impeachment complaint, sigun kenni House Secretary General Reginald Velasco.
Inlawlawag ni Velasco a saan a nakipaset dagiti mammanday-linteg iti oath-taking ken verification gapu iti nasapsapa a commitment dagitoy iti ballasiw-taaw ken iti distritoda.
Nupay kasta, impatulodda ti verifications tapno porma a suportaranda ti nasao nga addang.
Karaman kadagiti nagpirma a kongresista ket manipod Biñan, Cagayan, Isabela, Lanao del Norte, Leyte, Masbate, Negros Occidental, Quirino, Sultan Kudarat, Pangasinan, Cavite, Tarlac, Oriental Mindoro, bayat a dagiti partylist ket pakairamanan ti Ako Bicol, Ako Bisaya, GP, Ako Ilocano Ako (AIA), Kabayan, Sagip, Abono, ken ACT-CIS.
Kasapulan laeng ti suporta ti one-third wenno 102 ti 306 a kongresista tapno maaprobaran ti impeachment complaint ken maipatulod iti Senado tapno maipasiong iti panagdinggeg ti opisial a karaman iti daytoy.
