Nakemmeg ti maysa lalaki a construction worker a nabigbig a ni alyas “King,” agtawen iti 34, ken agdama resident iti Brgy. San Vicente, Baguio City.
Ti suspek ket naklasipikar kas HVI iti PNP Database ken Target Listed iti City ken Provincial level iti PDEA CAR.
Nakemmeg daytoy idiay Purok 27, Barangay Irisan, Baguio City.
Nakumpiskar manipod iti suspek ti maysa a pidaso iti heat-sealead transparent plastic sachet a naglaon iti maatap a shabu nga agdagsen iti agarup lima a gramo ken agbalor iti SDP a P34,000.
Bayat iti panagkapkap dagiti kameng iti operatiba iti suspek, naala manen ti maysa a pidaso iti heat-sealed transparent plastic sachet nga agdagsen iti agarup lima a gramo iti uneg iti bagna.
Malaksid iti dayta, nasamsam metlaeng ti innem a pidaso iti self-sealing a transparent plastic sachet a naglaon iti agarup 300 grams iti dried marijuana leaves nga addaan iti SDP a P36,000.
Pakabuklan a sangapulo a gramo ti maatap a shabu ken 300 grams ti dried marijuana leaves ti nakumpiskar manipod iti suspek ken P104,000 ti pakabuklan a gatad ti iligal a droga a nasamsam.
Kabayatanna, nakumpiskar metlaeng manipod iti suspek ti maysa a pidaso iti genuine five-hundred peso bill (buy bust money); 27 a pidaso iti peke a five-hundred peso bill (boodle money); maysa a sling bag; maysa a lighter ken selpon.
Balligi ti operasion babaen iti panangidaulo iti PNP Drug Enforcement Group Special Operations Unit Cordillera Administrative Regiom (PNP DEG SOUCAR) kaduada ti Baguio City Police Office Police Station 9 (BCPO PS 9), Baguio City Police Office Police Station 4 (BCPO PS 4), City Drug Enforcement Unit (CDEU) Baguio City, Philippine Drug Enforcement Agency CAR Baguio-Benguet Provincial Office (PDEA CAR) babaen iti koordinasonda iti Regional Police Drug Enforcement Unit (RPDEU) Police Regional Office CAR, Regional Intelligence Unit 14 ken Philippine Drug Enforcement Agency Land Transportation Interdiction Unit (PDEA LTIU RSET Bravo).
Iti agdama, ti suspek ket naipaiman iti BCPO S9 para iti temporario a kustodiya bayat a dagiti nakumpiskar a drug evidence ket naipaima met iti Regional Forensic Unit idiay Camp Major Bado Dangwa, La Trinidad, Benguet para iti qualitative examination, bayat a dagiti non-drug evidence ket maiturong iti kustodia iti PNP DEG SOUCAR para iti umno a dokumentasyon ken disposition. | via Bombo Noveh Organo
