Idagdagadag ti Department of Information and Communications Technology’s Cybercrime Investigation and Coordinating Center kadagiti social media influencers nga i-take down-da dagiti content dagitoy a mangitantandudo iti illegal online gambling.
Sigun kenni Cybercrime Investigation and Coordinating Center Deputy Executive Director ken DICT Assistant Secretary Renato “Aboy” Paraiso, nabigbigen dagiti social media influencers ken content creators a mangi-yenyendorso iti illegal gambling content.
Gapu iti dayta, naipaayan dagiti iti gundaway agingga ita a lawas tapno idelete dagiti video dagitoy a mangitantandudo iti nasao a banag.
Impaganetgetna pay a dagiti saan a sumurot iti nasao a pammilin ken sumango iti kaskenan a pannusa.
Kagiddan dayta, al-allukoyenna dagiti influencers nga isardengdan a mangitandudo kadagiti illegal online activities kas iti panangiyendorso kadagiti saan a rehistrado a produkto.
Innayonna pay a no dagiti saan nga agcomply nga influencers ken content creators iti nasao a pammilin mangrugi inton lunes, July 14, 2025 ket possible a ma-take down dagiti content dagitoy kasta metten ti channel wenno pages a mangitandudo iti nasao nga illegal nga aktibidad.
Mangipatulod metlaeng dagitoy iti surat kadagiti influencers a karaman iti nasao a banag.
