--Ads--
BAGUIO CITY – Isagsaganan ti lokal a gobyerno ti Baguio City dagiti contingency measures kontra iti Delta variant ti COVID-19 a maibagbaga a nakarkaro ken napartak a maiyakar no iti dadduma a variants ti nasao a sakit.
Sigun kenni Mayor Benjamin Magalong, palawaen manen ti siudad ti kapasidad daytoy iti aspeto ti prevention, detection, isolation and treatment.
Kinunana a matutukan ti panakanayon dagiti isolation facilities ken isolation beds, panakapapartak ti panagbakuna kontra iti COVID-19, panag-irteng iti panagsurot iti minimum public health standards ken dadduma pay.
Dinakamatna a sigurado a matamaan ti siudad iti nasao a variant ngem adda ti maaramidan tapnu maksayan ti epektona ken maimaton a naimbag dagiti agbalin a kaso iti daytoy.
