--Ads--
Kinumpirmar ni President Ferdinand Marcos Jr. a mabalinen makasubli iti pagilian ni Mary Jane Veloso, ti Pilipina a nasentensyaan iti pannusa a panakapapatay idiay Indonesia gapu iti kaso daytoy nga adda ti pakainaiganna iti iligal a droga.
Daytoy ket babaen iti naipatungpal a diplomacy ken konsultasyon iti nagbaetan dagiti dadaulo dagiti nadakamat a pagilian para iti agpada a komitmentda iti hustisya ken panangngaasi.
Kagiddan dayta, impeksa ni President Marcos Jr. ti panagyamanna iti Presidente ken iti gobyerno iti Indonesia gapu iti goodwill dagitoy.
Maipalagip nga nga idi 2010 ket naarestar ni Veloso gapu iti kaso daytoy a drug trafficking nu sadino, nabayagen a kidkiddawen ti Pilipinas ti panakaisubli daytoy iti pagilian a Pilipinas.
