BAGUIO CITY – Dakkel ti panagayaman ti visual artist manipud Baguio City a napili a mangipinta kadagiti legends wenno banuar nga atleta ti Cordillera iti 11 a pader iti long stage dugout ti Baguio Athletic Bowl.
Iinterview ti Bombo Radyo Baguio, impeksa ni Gladys Ann Labsan ti panagyamanna iti panagtalek ti sponsor ti proyekto iti skills-na kas artist.
Imbinglayna a dakkel metlaeng ti naadalna iti panakaited ti nasao a responsibilidad kenkuana gaputa naaddaan daytoy ti panaka-ammo iti nagduduma nga sports ken iti kinasiasino dagiti atleta a tampok iti proyekto.
Dinakamatna a nalpasen ti mural ni three-time Olympian Hector Begeo, maysa a runner manipud Mountain Province ken sumaruno ita a lawas ti mural daydi two-time Olympian Jerry Diño, maysa a judoka manipud Baguio City.
Manamnama met a mairaman iti linya dagiti mural project da Javelin Queen Javelin Erlinda Lavandia, Igorot world boxing legend Rey Tam, wushu world champion Divine Wally, world taekwondo poomsae champion Jeordan Dominguez.
