Imbilin ni DILG Secretary Jonvic Remulla kadagiti lokal a gobierno a siguraduen nga awan iti aniaman a makasinga kadagiti kangrunaan a kalsada partikular kadagiti lugar a daydaywen dagiti motorista ken turista.
Dinakamat ni Remulla ti panagselfie dagiti motorista iti nalatak a Lion’s Head idiay Kennon Road, Baguio City nu sadinno mapapati a daytoy ti rason iti panagilet iti trapiko iti Lion’s Head, a kadawyan a pagtataudan iti “bottleneck” gapu kadagiti lugan nga agsarsardeng para laeng iti photo ops.
Panggep iti direktiba a mapagtalinaed ti nasayaat a gunay iti trapiko ken maliklikan ti insidente iti maysa kadagiti kangrunaan a ruta a paturong iti siudad ti Baguio.
Pinainget metlaeng dagiti otoridad ti panagsaganada, karaman ti deployment iti traffic personnel ken panangipatungpal iti kanayunan nga addang iti kinatalged dagiti agbiahe.
