BAGUIO CITY- Imbinsa ni Commission on Election (COMELEC Cordillera) Regional Executive Director Atty. Ederlino Tabilas nga adda dagiti sumagmamano a voting precint ditoy rehiyon nga agkasapulan iti Electoral Board (EB) manipod iti PNP
Sigun ken Tabilas, mabalin nga agserbi iti EB dagiti myembro ti PNP iti kanito nga awan wenno agkurang dagiti manursuro.
Kinunana nga adda iti tallo a presinto sadiay Abra nga agkasapulan iti serbisyo ti pulisya tapnu agserbi kas electoral board
Inlawlawagna a dagiti nasao a lugar ti maysa kadagiti maibilbilang kas hotspot iti election.
Kagiddan iti dayta, inpanamnama met ni PROCOR Chief Regional Staff PCol. Elmer Ragay, nga adda dagiti naipasidong iti panagsanay kas electoral board a myembro ti Cordillera PNP
Dinakamatna a dumanon iti 20 a personelda iti manamnama nga agserbi kas augment para iti daytoy
Innayunna a nakasaganada iti anyaman nga oras a mangipaay iti assistance para iti balligi a pannakaipatungpal ti local ken national elections inton May 9
