Nagun-od iti Cordillera pride a ni Elcanor Mang-usan Jr. iti tallo a gold medals iti nagduduma nga kategorya iti maika-23 Annual Sacramento Invitational Taekwondo Championship a naisayangkat idiay Roseville, U.S.A.
Nakaiyawid ni Mang-usan iti maysa a gold iti poomsae, maysa a gold iti kyorugi, ken maysa gold medal iti combat taekwondo.
Agarup dua agingga tallo a bulan a nag-ensayo iti atleta para iti nasao a pasalip.
Pinagyamananna met iti coach na a ni Coach Danrey Velo, kadagiti insurona tapnu maisagana iti pisikal, emotional, ken mental a salun-atna.
Maipalagip a ni Mang-usan ket nakagun-od met laeng iti gold medal iti Palarong Pambansa a naangay idiay Agusan Del Sur idi napalabas a bulan.
Kabayatanna, sigun iti atleta, time management ti kasapulan tapno mabalanse ti sports ken panagadal gaputa daytoy ket maysa metlaeng nga estudyante.| via Bombo Khey Reparip
