--Ads--
BAGUIO CITY – Naiyawiden sadiay Rock Quary, Lagawe, Ifugao ti bangkay ti Cordilleran Special Action Force Trooper a pimmusay sadiay Marawi City.
Kalpasan ti panakabantay ti bangkay ni PO1 Moises Kimayong iti SAF headquarters sadiay Camp Bagong Diwa, Taguig City ket naiyawiden daytoy iti balayda sadiay Ifugao babaen iti panang-scort dagiti kakadwana iti serbisyo.
Maipalagip a nag-cross training ni Kimayong kas scout ranger iti Philippine Army ken naipatulodda sadiay Marawi City para iti test mission sakbay ti umadani a graduation dagitoy.
Nupay kasta, idi bagkatenna kuman ti kadwana a napaltogan iti operasyon ket pinaltogan daytoy ti sniper ti Maute local terror group.
Ni Kimayong ket agtawen iti duapulo ket walo, ken addaan iti fiancee.
