--Ads--
BAGUIO CITY – Dinayaw ti dadaulo ti Armada Puersa ng Pilipinas ti kinatured ken kinabanuar dagiti Cordilleran warriors iti panakigubatda sadiay Marawi City.
Iti panagturongna iti Philippine Military Academy, kinunana a kaaduan kadagiti Cordilleran warries ti karaman iti elite wenno special operation command ti AFP ken PNP ken dagitoy dagiti front liners wenno maipaspasungalngal iti gubat.
Dinayawna met laeng dagiti soldado ti Cordillera gapu iti kinalaingda iti assault wenno panangserrekda kadagiti pasdek a paglemlemmengan dagiti kabusor.
Kinunana met a dagiti pimmusay iti nagan ti serbisyo ket agtalinaed a bannuar ti pagilian gapu iti panangisakripisyoda iti biagda tapnu agleppasen ti gubat iti Abagatan.
