Napilaan iti reklamo a murder ti konsehal a nangpaltog iti bise mayor ti Ibajay, Aklan.
Maipalagip a pinapatay ti maatap a suspek a Councilor Mihrel Senatin ti biktima a ni Vice Mayor Julio Estolloso iti mismo nga opisina ti Sangguniang Bayan idi August 08, 2025.
Sigun iti suspek a ni Senatin, napunuan gapu iti saan a nasayaat a panangtrato ti bise mayor kenkuana.
Nupay kasta, sigun iti kakadua ti suspek iti konseho, awan ti nagdumaan ti panangtrato ti biktima iti suspek.
Kabayatanna, kinumpirmar dagiti otoridad a lisensiado ken nairehistro kenni Senatin ti paltog nga inusarna.
Sigun iti mayor ti nasao a lugar, mangrugi inton August 11, 2025 ti panangipatungpal ti LGU iti one-entry, one-exit policy iti munisipyo dagitoy.
Malaksid iti dayta, maideploy ti kanayonan a polis iti Sangguniang Bayan Hall.
