Imbasura ti Court of Appeals (CA) ti petision nga impila ti sigud a hepe ti Bureau of Corrections (BuCor) a ni Gerald Bantag mainaig iti kaso a murder a naipila kontra kenkuana gapu iti ipupusay ti broadcaster a ni Percy Lapid.
Iti uppat a panid ti resolusion a naipablaak itay laeng nabiit, saan a pinatgan ti korte ti petision ni Bantag para iti “certiorari” a nagtaud iti November 2023 a bilin ti Las Piñas City Regional Trial Court Branch 254 a mangilibak ti desision ken kasta met ti bilin ti RTC a nangilibak iti motion for reconsideration daytoy.
Iti linteg ti Supreme Court (SC), ti laeng Office of the Solicitor General ti mangiyeg wenno mangidepensa kadagiti tignay iti biang ti Republika ti Pilipinas.
Babaen pay iti manual para kadagiti piskal, amin a kiddaw a mangipila iti petision para iti certiorari ket umuna a maikurso babaen ti Opisina ti prosecutor general para iti evaluation ken approval sakbay ti pannakai-endorso iti OSG.
Maipalagip a ni Lapid wenno Percy Mabasa ket napalpaltugan idiay Las Piñas City idi October 3, 2022.
Idi March 2023, nangipila ti Department of Justice (DOJ) iti “murder” wenno pammapatay kontra kenni Bantag ken ti sigud a security officer Ricardo Zulueta mainaig iti pammapatay kenni Lapid.
Gapu iti dayta, nangipaulog ti korte iti warrant of arrest kontra kadagitoy idi Abril 2023.
Iti agdama, awan paylaeng ti komento ti kampo ni Bantag.
