Kinompirmar ti Department of Foreign Affairs (DFA) nga awan paylaeng ti naawat dagitoy a court orders a mangkanselar iti passport ni sigud nga Ako Bicol Rep. Zaldy Co.
Immuna a nakaikkaten iti pagilian ni Co sakbay a nairaman daytoy iti multi-billion peso flood control corruption scandal.
Sigun iti DFA, makanselar laeng ti Philippine passports a naipaulog iti Filipino citizens iti kanito a makaawatda ti court order nga impaulog ti korte ti Pilipinas.
Nakalanad daytoy iti Sections 4 ken 10 ti Republic Act 11983 wenno ti New Philippine Passport Act.
Maipalagip nga adda ti tallo a pakaibatayan ti pannakakanselar ti pasaporte.
Daytoy ket pakairaman no ti agtagikua iti pasaporte ket maysa a fugitive manipud iti hustisia; no ti agtagikua ket nasentensiaan iti criminal offense, ken no ti pasaporte ket bogus a nagun-od ken nabalbaliwan.
