BAGUIO CITY – Imbutaktak ti maysa a doktor iti lokalidad ti panagbalin daytoy a positibo iti COVID-19 kas panangsurpotarna iti kiddaw ni Baguio Mayor Benjamin Magalong a panagpabigbig dagiti nagpositibo iti COVID-19 ditoy siudad tapnu mapapatak ti contract tracing.
Naamuan a pinagkedkedan ni Dr. Manuel Kelly ti apela ni Mayor Magalong iti panagibutaktak dagitoy iti pakabigbiganda gaputa saan daytoy a nakasagana ken imbagana metten dagiti ammona a nakapulapolna.
Nupay kasta, itay agsapa ket kinuna ti Mayor a pinaka-ammuan daytoy ni Dr. Kelly seknan iti panangibutaktakna iti sitwasyonna babaen iti social media.
Gapu iti daytoy, dinayaw ti ama ti siudad ti inaramid ni Dr. Kelly ken ti kinatured daytoy.
Babaen iti social media post ket imbigay ng Dr. Kelly a naalana ti virus gapu iti panagbalinna a frontliner ken nagpositibo daytoy kalpasan a naipasidong iti swab test idi March 27.
Gapu iti daytoy, kiniddawna ti panag-self quarantine dagiti nakapulapolna idi March 13 agingga March 26 ken iti dagus a panagpataming dagiti nakapulapolna a makapaspasar ita iti utek, gurigor, throat pain ken diarrhea.
Sigun pay iti doktor, iti agdama ket asymptomatic wenno awan dagiti marikriknana a sintomas ti COVID-19.
