Nagbalinen a linteg ti Corporate Recovery and Tax Incentives for Enterprises to Maximize Opportunities for Reinvigorating the Economy (CREATE MORE) Act kalpasan a pinirmaan daytoy ni President Ferdinand Marcos Jr, ita nga aldaw.
Sigun kenni President Marcos Jr., ti panangpirmana iti daytoy ket kas pammaneknek iti commitment tapno agbalin ti Pilipinas kas destinasyon a pang-invest-an dagiti dadduma a pagilian.
Kinunana a babaen iti nasao a linteg ket adda a maawis dagiti domestic and global investments a makatulong iti pagsayaatan ti pagilian.
Innayonna panggep ti nasao a linteg a mapalawa ti Enhanced Deductions Regime, ken mangidiaya iti dakdakkel a tax relief kadagiti registered business enterprises.
Malaksid iti dayta, maysa metlaeng a kangrunaan a benepisyo daytoy ti pakairamanan ti pannakakissay ti income tax rate iti 20% manipud iti 25%.
