Bimmaba iti 29.29% ti bilang ti crime incidents idiay munisipyo ti La Trinidad idi 2024.
Sigun kenni Police Captain Roland Salingsing, Chief Invetigator iti La Trinidad Municipal Police Station, dumanon iti 297 a crime incidents ti nailista sadiay La Trinidad idi napan a tawen.
Nababbaba daytoy nu idilig iti 420 a kaso a nailista idi 2023.
Innayon ni PCapt.Salingsing a nababbaba metlaeng ti non-index crimes a nailista dagitoy idi 2024 a kas kadagiti kaso a vandalism, simple assault, ken drug abuse nu idilig iti index crimes a kas met kadagiti kaso a murder, homicide, physical injury, rape, robbery, theft, ken carnapping.
Maipalagip nga idi 2023 ket nakailista dagitoy iti 291 a non-index crimes ken 129 met nga index crimes.
Mainaig iti dayta, kinuna ni Salingsing a bimmaba ti kaso dagiti crime incidents gapu metlaeng iti agtultuloy a deployment dagiti personnel dagitoy wenno police visibility iti nagduduma a paset ti munisipyo.
Kagiddan dayta, pinalagipan ti opisyal dagiti umili iti La Trinidad a tulunganda dagiti kameng iti pulisya tapno agtultuloy a bumaba ti crime rate iti nasao a munsipyo gapu ta sigun kenkuana, saan nga umdas ti panagregget dagiti otoridad tapno maksayan ti krimen iti nasao a munsipyo gapu ta kasapulan metlaeng ti kooperasyon dagiti umili.//Bombo Genzel Depayso
