I-enendorso ita ti National Price Coordinating Council (NPCC) kenni President Ferdinand Marcos Jr. ti singasing ti Department of Agriculture a price capacity a P50.00 tunggal kilo ti imported rice.
Sigun iti National Price Coordinating Council (NPCC), saklawen ti nasao a presyo dagiti imported rice nga addaan ti 5% broken grains ken agepektibo iti 30 nga aldaw tapno maliklikan ti market abuse.
Tapno maiyemplentar ti nasao a singasing, kinuna ti National Price Coordinating Council (NPCC) nga inrekomendada kenni President Ferdinand Marcos, Jr. ti executive order a mangipataw iti panusa kadagiti saan nga agtulnog iti P50.00 price capacity.
Inlawlawag pay ti nasao nga opisina a maitunos ti presyo iti Price Acts wenno Republic Act No. 7581 kas mailinya metlaeng iti Executive Order No. 110 wenno ti pannakaideklara ti state of national energy emergency.
Kabayatanna, impakaammo ni NPCC Chairperson ken Trade Secretary Cristina Roque nga idi agdama, stable pay laeng dagiti presyo ti basic commodities iti pagilian maibasar iti panangmonitorda itay kanikadua. //bombokaren.c.s
