Binallaagan ti Department of Agriculture (DA) dagiti gumatgatang kadagiti imported vegetables a masarakan kadagiti dry markets gaputa mabalin a naipuslit dagitoy.
Karaman kadagiti nateng a naangkat ket ti maaw-awagan a “tiger chili,” “garlic sticks,” ken “Chinese Yam” a magatang iti merkado publiko a kas idiay Pasay City.
Sigun kenni Department of Agriculture Francisco Laurel Tiu, dagiti nateng ket mabalin a napeggad iti salun-at ti maysa nga indibidual nangruna nu saan a naipaayan iti sanitary and phytosanitary import clearance babaen ti Bureau of Plant Industry.
Kabayatanna, dadduma kadagiti retailers ti saanda nga ammo ti nagtaudan dagiti nateng a gatgatangenda.
Impasigurado met ti Department of Agriculture a makikoordinarda iti Bureau of Customs tapno maamuan ti nagtaudan dagiti nateng, bayat a guyguyuguyenda dagiti retailers a makitinnulong kadakuada.
