--Ads--
BAGUIO CITY- Naipaay kenni Baguio City Mayor Benjamin Magalong dagiti lokasyon ti dadduma a sugalan wenno illegal gambling den iti siudad a manarimaan a suksukimaten dagitoy.
Sigun iti Mayor, binilinna dagiti kameng ti Baguio City Police Office (BCPO) nga aramidenda amin ti kabaelanda, tapnu mapasardeng amin dagiti gambling den wenno sugalan iti siudad ti Baguio.
Kabayatanna, namnamaen ti opisial a rummuar ti resulta ti imbestigasyon seknan iti dadduma a sugalan ita a lawas.
Daytoy ket kasaruno ti napasamak iti maysa a sugalan idiay Magsaysay no sadino, pinasabogan ti maysa a minero.
Nangitunda daytoy iti pannakadangran dagiti 14 nga indidibidual. //Bombo Noveh Organo
