Sinungbatan ti Malacañang ti panangbabalaw ni Vice President Sara Duterte iti utang ti pagilian a Pilipinas.
Sigun iti Malacañang, tinawid ti agdama nga administrasion dagiti utang nga imbati ti ama ti bise presidente a ni sigud a president Rodrigo Duterte.
Daytoy ti sungbat ni Palace Press Officer Undersecretary Atty. Claire Castro iti ambush interview iti 48th ASEAN Summit.
Sigun kenni Palace Press Officer Castro, no adda man ti utang, normal daytoy iti amin a pagilian tapno maipaay ti pagkasapulan ti tattao dagitoy.
Inyunay-unay ti opisial a saan nga ita laeng a panawen a dimmakkel ti utang agsipudta, tinawid ni President Marcos Jr. ti dakkel nga utang a naala ni sigud a president Duterte.
Impeksa ni Castro a nabaybay-an ti utang idi napalabas nga administrasyon gapu iti maatap a panangabuso iti Pharmally ken dagiti ghost projects ti Build, Build, Build.
Maipalagip a binabalaw ni Vice President Duterte ti Marcos administrasion gapu iti unemployment ken ti dumakdakkel nga utang ti pagilian.
