Impakaammo iti Bureau of Customs a daduma kadagiti 28 Discaya-linked luxury cars ket saan a nabayadan ti duties ken taxes dagitoy.
Sigun kenni Customs Commissioner Ariel Nepomuceno, adda dagiti naduktalanda a saan nga umno iti panakabayadna maibasar iti impatungpalda nga inisyal nga assessment ngem kinunana a manarimaan paylaeng ti panangvalidate-da iti daytoy.
Maipalagip nga idi laeng Hwebes,naipasidong iti kustodiya iti Bureau of Customs dagiti amin a 28 Discaya-linked luxury vehicles nu sadino impeksa met ni Commissioner Nepomuceno a ti panagtulnog dagiti Discaya ket maysa a napateg nga addang para iti imbestigasyon.
Impeksa ti opisyal a ti panagtulnog dagiti Discaya ket maysa a napateg nga addang para iti imbestigasyon seknan ti panakaimport dagiti nasao a lugan mainaig metlaeng iti isyu dagiti flood control projects.
Kabayatanna, naipanamnama met a saan a palusuten ti maseknan nga opisina dagiti dealers wenno indibidwal a maduktalan nga adda pakainaiganna iti panakaiserrek dagiti nasao a lugan nangruna nu mapaneknekan nga awanan dagitoy iti umno a dokumentasyon.
