--Ads--
BAGUIO CITY – Mabalbalakadan dagiti empleyado, estudyante ken nagannak a saandan a sumrek iti pagadalan apaman a saan a nasayaat ti marikrikna da kagiddan ti panagraira ti pertussis wenno whooping cough iti pagilian.
Sigun kenni Whitney Dawayen, Principal ti Baguio City National High School, dagus nga iturturong dagiti mannursuro dagiti estudyante a saan a nasayaat ti kasasaadna iti clinic ti pagadalan.
Mabalbalakadan met dagiti mannursuro ken estudyante nga agtalinaedda iti pagtaengan tapno saanda a maakaran dagiti pada dagitoy nga estudyante.
Mainaig iti dayta, adda dagiti agas a nakasagana nga aramaten dagiti estudyante ken empleyado ti pagadalan.//Bombo Marinel Rodrigo
