--Ads--
Idagdagadag ni sigud a senator Antonio Trillanes IV ti dagus a pannaka-impeasch ni Vice President Sara Duterte, gapu iti posible nga aramidenna kasaruno ti pangta daytoy iti presidente.
Sigun kenni Trillanes, kasapulan a maikkat ni Duterte agsipud ta naidumduma ti garaw daytoy.
Kinunana a saan daytoy a psychiatrist ngem ammona ti nagdumaan ti maysa nga “unhinged” wenno addaan iti mental problem iti normal a tao.
Impettengna metlaeng nga uray mapilaan daytoy iti criminal case, ngem no aniaman ti mapasamak iti presidente ket daytoy ti sumublat kenkuana.
Gapu iti dayta, namnamaenna ti impeachment complaint a maipila kenni Duterte iti kabiitan a panawen.
