Kinumpirmar ti Department of Foreign Affairs (DFA) nga awan ti Pilipino a pimmusay iti uram a napasamak iti maysa a pub sadiay Bangkok, Thailand idi Domingo, July 12, 2026.
Sigun kenni DFA spokesperson Analyn Ratonel, kinumpirmar ti Philippine Embassy sadiay Bangkok nga awan ti Pilipino a karaman kadagiti 27 a pimmusay iti insidente.
Iti baet dayta, agtultuloy ti panangmonitor ti Embahada iti kasasaad sadiay.
Kabayatanna, dumanunen iti agarup 63 a tattao ti nadangran iti nasao nga uram.
Maibasar iti salaysay manipud kadagiti nakalasat, napartak ti panagsaknap ti uram a nakaigapuan ti dagus a panagwaras ti napuskol nga asuk iti uneg ti establisimiento.
Gapu iti maatap a kinaawan ti fire exit, adu kadagiti kustomer ti nangpadas a rummuar babaen ti likud ti pub.
Sigun kadagiti report, nasarakan dagiti rescue workers dagiti sumagmamano a biktima a nakaidda iti suelo ti establisimiento bayat a madama ti operasion.
