Pinaglibakan ti kampo ni sigud a Negros Oriental Representative Arnolfo “Arnie” Teves Jr. ti maysa a damag a dagos a maideport ti sigud a mammanday linteg manipod idiay Timor-Leste.
Kinumpirmar met daytoy iti Department of Foreign Affairs.
Maipalagip a kinuna ni Pamplona Mayor Janice Degamo ti panagaplikar ni Teves para iti “political asylum” ken napagkedkedan daytoy isut rason a maideport daytoy kalpasan ti dua nga aldaw.
Sigun kenni Atty. Ferdinand Topacio, legal counsel ni Teves, kinuna nga awan ti impormasionda ti maipapan iti “ayslum request” ni Teves ken ti panagkedked iti request daytoy.
Inlawlawag ni Topacio a ti panagkedked ti kiddaw ni Teves nga “asylum” ket posible a maiyapela kalpasan ti dua pulo nga aldaw a transitional period.
Maipalagip a ni Teves Jr ket mapapati a mastermind iti pannakatay ni Negros Oriental Governor Roel Degamo ken dadduma pay nga indibidual ken nagaplikar daytoy iti asylum idiay Timor-Leste idi 2023.
