Dandani 200 a Pilipino ti napukawan iti balay gapu iti nakaro nga uram a mapaspasamak ita idiay Los Angeles, California.
Maibasar iti kaudian a datus, pakabuklan a 191 a Pilipino ti naapektaran iti agdama ngem posible a manayonan pay daytoy.
Dumanon met iti 24 nga indibidual ti pimmusay ngem awan pay ti kumpirmasyon nu adda ti Pilipino a karaman iti nasao a bilang.
Immuna metten nga impanamnama ni Philippine Consul General idiay Los Angeles a ni Adelio Angelito Cruz a natalged ti kasasaad dagiti naapektaran a Pilipino nga iti agdama ket agtaltalinaed kadagiti evacuation centers.
Impeksa met ni President Ferdinand Marcos Jr. ti pannakipagladingetna kadagiti naapektaran a Pilipino idiay California.
Maibalbalakad met kadagiti Pilipino iti nasao a pagilian a kontakenda ti consulate iti (323) 528-1528 nu adda ti pakaseknan dagitoy.
