Dandani walo gasut nga indibidual ti naapektaran kasaruno ti panagbettak ti bulkan a Kanlaon idi laeng kalman idiay Negros, sigun iti kaudian a datos iti National Disaster Risk Reduction and Management Council (NDRRMC).
Gapu iti dayta nagbakwit ti 796 nga indibidual, 695 iti agtaltalinaed kadagiti evacuation centers, 111 ti adda iti ruar ti evacuation centers.
Awan pay ti nailista iti NDRRMC a gatad ti naapektaran iti agrikultura ken imprastruktura ita nga aldaw ti Martes.
Naipaay metten kadagiti residente ti Western Visayas ti P48,840 a gatad ti ayuda nga sleeping kits.
Idi laeng kalman, Mayo 3, napasamak ti nasao nga insidente nu sadinno bimmayag daytoy iti innem a minuto.
Simmaruno ti panagsabog iti agingga napigsa a volcano-tectonic earthquake wenno panagdayyeg ti daga.
Maibagbaga a gapu daytoy iti “shallow magmatic processes”.
Nagpakdaar metten ti Phivolcs iti publiko nga agbalin a naridam ken liklikan ti panag-asideg iti -kilometer-radius permanent danger zone tapno dagos a makaaddayo iti posible a panagsabog, panagtennag ti bato ken panagreggaay ti daga.
Ibalbalakad metlaeng ti nasao nga ahensya nga apputan ti nabasa a lupot ti bibig ken agong dagiti residente kadagiti asideg iti nasao a bulkan.
Immunan nga impangato iti Alert Level 2 ti bulkan kalpasan ti insidente.
