Dumanon iti agarup P203.38 million ti danyos ti Super Typhoon Carina ken ti Habagat iti sektor ti agrikultura, sigun iti Department of Agriculture (DA).
Maibasar iti bulletin ti Department of Agriculture (DA), dagiti naapektaran a lugar ket ti Nueva Ecija, Pampanga, Oriental Mindoro, Romblon, Aklan, Capiz, Iloilo, Negros Occidental, Southern Leyte, Zamboanga Sibugay, Zamboanga del Sur, Agusan del Sur, ken North Cotabato.
Ti kangrunaan a mula a nadadael ket ti pagay a dumanon iti 2,299 metric tons (MT).
Malaksid iti dayta, naapektaran met laeng dagiti agricultural commodities kas kadagiti high value crops, mais, livestock ken poultry.
Innayon pay ti nasao nga ahensiya nga agarup 2-K nga ayup ti natay gapu iti nasao a bagyo.
Kabayatanna, impanamnama met ti Department of Agriculture (DA) a mangipaay dagitoy iti tulong kadagiti mannalon a naapektaran.
