Naipasidong ita ti Dasmariñas, Cavite iti state of calamity gapu iti dengue fever outbreak, babaen ti mayor daytoy iti nasao a siudad.
Sigun kenni Dasmariñas Mayor Jenny Austria-Barzaga, nakairekord ti nasao a siudad ti 928 a kaso ti dengue manipod pay idi Nobiembre sais iti agdama a tawen, 397 % a nangatngato nu idilig iti 233 a kaso a nairekord idi 2023.
Immunan a kinuna ni Department of Health Secretary Ted Herbosa a “manamnama” ti posible a panagngato ti dengue ken leptospirosis iti baet ti panagdalapos ti sumagmamano a bagyo iti Pilipinas.
Maibasar iti datos ti Department of Healt, dumanon iti 17,033 a kaso ti dengue ti nairekord manipod iti Oct. 20 agingga Nov. 2, wenno 17% a nababbaba nu idilig iti nairekord a 20,498 manipod Oktubre sais agingga Oktubre disi nueve iti agdama a tawen.
