BAGUIO CITY – Nagpalagip ti Comission on Higher Education (CHED) – Cordillera nga agginga Abril 30 laengen ti panagala dagiti estudyante iti scholarship babaen iti Student Financial Assistance Programs nga ididiaya ti gobyerno.
Sigun kenni Christine Soriano, Student Financial Assistance Program Coordinator ti CHED – Cordillera, tapnu makaala dagiti estudyante iti nadumaduma a scholarship grant ket nasken nga agalada kadagiti priority courses ti CHED, masapul a Pilipino, nagturpos iti sekondarya ken saan a nasursurok iti P300,000 ti gross income ti pamilYA daytoy.
Kinunana nga adda ti tallo a klase ti scholarship a mabalin a maala dagiti estudyante ken ti grado dagitoy ti basaran.
Dinakamatna a dagitoy ket ti State Scholarship Program, Private Education Student Financial Assistance ken ti Grant in Aid wenno Tulong Dunong Program.
Kinuna pay ni Soriano a dumanonen iti 1,143 ti estudyante ti nagaplikar iti nadumaduma nga scholarship grants iti CHED-Cordillera.
