Ngimmato iti 232 ti nailista ti Office of Civil Defense (OCD) a death toll gapu iti naglabas a bagyo a Tino.
Nakailista ti Cebu iti kaadduan a pimmusay a dumanon iti 150 nga indibidual, Negros Occidental a 42, Negros Oriental a 21, Agusan del Sur nga 6, Capiz a tallo, Dinagat Islands, Southern Leyte ken Leyte a sagdudua ken sagmamaysa met sadiay Antique, Iloilo, Guimaras ken Bohol.
Kabayatanna, 112 nga indibidual ti naireport a mapukpukaw no sadino 57 sadiay Cebu, 50 sadiay Negros Occidental ken lima sadiay Negros Oriental.
Malaksid iti dayta, dumanon metlaeng iti 523 nga indibidual ti nadangran iti nasao a bagyo.
Kabayatanna, kinumpirmar ti Department of Energy (DOE) a maysa a linemen ti pimmusay bayat ti mangipatpatungpal dagitoy iti operasyon tapno maisubli ti suplay ti kuryente sadiay Aloguinsan, Cebu bayat ti bagyo a Tino.
