--Ads--
Ngimmato ti bilang dagiti pimmusay nga indibidual iti 111 gapu iti typhoon Tino a dimmalapus sadiay Cebu ken dadduma pay a lugar.
Sigun iti Office of Civil Defense (OCD) ti Cebu ti nakailista iti kaaduan a pimmusay ken dagiti kabangibangna a lugar a kas sadiay Mandaue, Compostele ken dadduma pay a lugar.
Dagiti rason iti ipupusay dagitoy ket gapu kadagiti natnag a debris, kayom ti panagregaay ken panaglayos gapu iti nasao a bagyo.
Malaksid iti dayta, adda pay dagiti 13 nga indibidual a mapukpukaw sadiay Cebu, ken 62 sadiay Negros Occidental ken Oriental.
Kabayatanna, 17 nga indibidual metlaeng ti naireport a nadangran bayat ti nasao a bagyo.
