--Ads--

Dumanonen iti 1,700 ti death toll iti napasamak a 7.7 magnitude a ginggined sadiay Myanmar.

Malaksid iti dayta, pakabuklan iti 3,400 nga indibidual ti nadangran bayat nga agarup 300 ti agtaltalinaed a mapukpukaw.

Sigun kenni Cara Bragg ti Yangon-based manager ti Catholic Relief Services sadiay Myanmar, makumikom metten dagitoy a mangipatpatungpal iti rescue operations.

Nupay kasta, marigatan dagitoy gaputa kaadduan kadagiti mapukpukaw ket nagaburan iti narba a pasdek.

Nangipatulod metlaeng dagiti nagduduma a pagilian iti rescue personnels ken experts, medical kits, ken dadduma pay para iti dagus a pannakabiruk dagiti mapukpukaw nga indibidual.