Saan a bumaba iti uppat a milyon a deboto ti nakipaset iti traslacion iti Black Nazarene ita a tawen.
Ti nasao a bilang ket maibasar iti datos nga inruar iti Innovation Integrated GIS and Data Hub iti Manila Disaster Risk Reduction and Management Office (MDRRMO) agingga itay alas dose iti tengga ti rabii.
Maipalagip a parbangon idi kalman a nairugi ti traslacion ti Black Nazarene manipod iti Quirino Grandstand kalpasan ti panakaangay ti Panalangin sa Bukang Liwayway.
Sigun iti Quiapo Church, nasapsapa a narugyan ti prusisyon ita a tawen nu idilig kadagiti napalabas rason a ninamnama dagitoy a nasapsapa a makadanon ti imahe iti pakaiturunganna — iti Minor Basilica of Jesus Nazareno wenno ti Quiapo Church.
Maipalagip nga idi napan a tawen ket dimmanon iti 20 nga oras ken 45 a minutos ti traslacion a pinasetan dagiti agarop 8.1 milyon a deboto maibasar iti datos ti Philippine National Police(PNP).
