Ibilang ti Department of Information and Communications Technology (DICT) a dakkel a pangta ti deepfakes inton 2025 elections.
Sigun kenni Alexander Ramos, director iti Cybercrime Investigation and Coordinating Center iti Department of Information and Communications Technology, ti deepfakes ket mabalin a pakaigapuan ti pannakaallilaw ti publiko isu’t gapuna a kasapulan a makabiruk dagitoy iti teknolohiya a mangduktal ken mangkontra iti deepfake.
Innayun met ti nasao nga opisial a nangilatang ti nasao nga ahensia iti P10 million para iti tinawen a subscription iti maysa nga aplikasion a makatulong iti gobierno a mangduktal a dagus iti fake content iti online.
Maipalagip a ti deepfake ket Artificial Intelligence-generated audio wenno visual materials a mausar a mangkopia kadagiti ladawan wenno panagsao ti maysa a tao, lugar wenno pasamak, nu sadino mabalin a mausar daytoy tapno makapataud iti peke a video dagiti personalidad.
