Nakasaganan dagiti plain ticket dagiti atleta iti siudad iti Baguio a makipaset iti Batang pinoy 2024 idiay Puerto Princesa City, Palawan.
Iti pannakiuman iti Bombo Radyo kenni Engr. Bonifacio Dela Peña, kinunana a naituding nga agbiahe dagiti 600 nga atleta inton November 19 wenno 20.
Innayon ni Dela Peña nga adda ti nailatang ti 12 Million a pondo para iti Batang Pinoy, nu sadino karaman ditoy dagiti unipormi dagiti atleta ken dadduma pay.
Kabayatanna, inaklon ti nasao nga opisial a pagdandanaganda ti resulta iti Batang Pinoy nangruna ita nga idipensa manen iti siudad ti nagsasaruno a panagballigi dagitoy.
Nupay kasta, positibo ti opisyal a magun-od manen iti siudad ti titulo kas kampeon iti nasao a pasalip babaen iti tulong iti coaches dagiti atleta.//mp4
