Posible a maideklara ti dengue outbreak kadagiti walo pay a lugar iti pagilian, sigun iti Department of Health ita nga aldaw.
Daytoy ket kagiddan ti panakaideklara ti dengue outbreak sadiay Quezon City itay napalabas kalpasan a nailista ti sangapulo nga indibidual a pimmusay gapu iti nasao a virus.
Sigun kenni Department of Health spokeperson Assistant Secretary Albert Domingo, dagitoy a lugar ket pakairamanan ti Metro Manila, Central Luzon ken Calabarzon.
Maibasar iti datos, ngimmato ti kaso ti dengue iti 40%manipud Enero a uno agingga Pebrero a uno ita a tawen no idilig idi napalabas a tawen iti kapada a reporting period.
Kabayatanna, maal-allukoy ti publiko nga agpakonsulta dagitoy a dagus kadagiti doktor no mariknada ti simptomas ti nasao a sakit.
