Pinaglibakan ti Department of Environment and Natural Resources (DENR) ti alegasyon a nagaramatda iti pesticide gas kontra kadagiti ralyista a nangisayangkat iti protesta iti sangwanan ti opisina dagitoy sadiay Quezon City idi Hulyo 26, 2026.
Inlawlawag ti ahensiya a mist ti naipagarup a pesticide gas ken saan a naaramat tapno maipaikkat dagiti ralyista.
Nagtaud daytoy iti regular a defogging activity ti ahensiya tunggal Domingo.
Sigun iti DENR, agtungtungpalda iti workplace hygiene standards ken sanda nga agar-aramat iti kemikal para iti crowd control.
Maipalagip nga immuna nga inakosaran dagiti sumagmamano a progresibo a grupo manipud iti Southern Tagalog ti DENR a nagaramatda iti pesticide bayat a mangisaysayangkat dagitoy iti protesta iti Visayas Avenue.
Paset daytoy ti caravanda sakbay ti State of the Nation Address ni President Ferdinand Marcos Jr.
