Kiniddaw ti Department of Environment and Natural Resources (DENR) ti pammalawag ni Davao City Mayor Baste Duterte gapu iti maatap a panangibellengda iti adu a basura iti sango ti opisina dagitoy sadiay Davao.
Naikkan ni Mayor Duterte iti lima nga aldaw tapno agpammalawag.
Maatap nga imbilin ni Mayor Duterte kadagiti agkolekta ti basurana sadiay Davao nga ibellengda dagiti basurada iti sango ti opisina ti DENR-Davao.
Impaganetget ti DENR a natiliwan dagiti personnelda ti sumagmamano nga indibidual nga agibelbelleng ti basura.
Atapen dagitoy nga adda ti pakainaigan ti social media post ni Duterte idi Hunio 4, 2026 no sadino, kinunana a maysa a pagkolektaran ti basura ti DENR.
Maipalagip nga idi Mayo 2026, inserra ti DENR ti maysa a landfill sadiay kalpasan a narba ti bunton ti basura a nakatayan ti dua nga indibidual ken pannakapukaw ti maysa a tao.
