--Ads--
Imbistigaran itan ti National Bureau of Investigation ti P1.9-billion flood control project sadiay Davao City.
Sigun kenni NBI Dir. Melvin Matibag, nasken a sukimatenda ti proyekto iti distrito agsipudta naipaay laeng iti maysa a kontraktor.
Impeksa ti opisial a kayatna a malawlawagan no dagiti nadakamat a flood control projects ket addaan iti kurapsion ken tapno mailawlawag ti kinapudno.
Maibasar iti impormasyon, imbinglay ni Director Matibag a nabayagen a gayyem ti pamilya Duterte ti kontraktor nga imimbestigasyon ti NBI.
Kabayatanna, inyunay-unay ti direktor a ti imbestigasyon ti ahensiya ket naibasar iti ebidensya ken saan nga iti sayangguseng a kas iti akosasyon ni Rep. Paolo ‘’Pulong’’ Duterte.
